ନୂଆପଡାରେ ପ୍ରବାସୀ ଶ୍ରମିକ ସମସ୍ୟା ନିରାକରଣ ପାଇଁ ପ୍ରଶାସନର ସମ୍ମିଳିତ ବୈଠକ

ନୂଆପଡାରେ ପ୍ରବାସୀ ଶ୍ରମିକ ସମସ୍ୟା ନିରାକରଣ ପାଇଁ ପ୍ରଶାସନର ସମ୍ମିଳିତ ବୈଠକ L

ନୂଆପଡ଼ା : ନୂଆପଡ଼ା ଜିଲ୍ଲାପାଳ ମଧୂସୁଦନ ଦାଶଙ୍କ ଅଧ୍ୟକ୍ଷତାରେ ସ୍ଥାନୀୟ ସଦ୍ଭାବନା ସଭା ଗୃହରେ ପ୍ରବାସୀ ଶ୍ରମିକ ସମସ୍ୟାର ନିରାକରଣ ପାଇଁ ବିଭିନ୍ନ ବିଭାଗର ସମ୍ମିଳିତ ବୈଠକ ଅନୁଷ୍ଠିତ ହୋଇଯାଇଅଛି I ବୈଠକକୁ ଉଦ୍ବୋଧନ ଦେଇ ଜିଲ୍ଲାପାଳ କହିଲେଯେ ଜିଲ୍ଲାରେ ସମସ୍ତ ବିଭାଗର ମିଳିତ ଉଦ୍ୟମ କ୍ରମେ ପ୍ରବାସୀ ଶ୍ରମିକ ପ୍ରଥାର ନିରାକରଣ ହୋଇ ପାରିବ I ବିଭିନ୍ନ ବିଭାଗର ବିଗତ ଦିନର କାର୍ଯ୍ୟାବଳୀକୁ ଦେଖି ପ୍ରବାସୀ ଶ୍ରମିକ ମାନଙ୍କୁ କେତେ ସହାୟତା ପ୍ରଦାନ କରାଯାଇଛି ତାର ସମୀକ୍ଷା କରାଗଲା ।ଜଣାଗଲାଯେ ମାର୍ଚ୍ଚ ମାସରେ ପଞ୍ଚାୟତିରାଜ ବିଭାଗ ପକ୍ଷରୁ ମନରେଗା ଯୋଜନାରେ 2336 ଟି ପରିବାରର ଶ୍ରମିକ ପୁରୁଷ ଓ ମହିଳା ମାନଙ୍କ ଦ୍ଵାରା ମାସ ଶେଷ ସୁଦ୍ଧା 6,48,709 ଶ୍ରମ ଦିବସ ସୃଷ୍ଟି କରି 22 କୋଟି 83 ଲକ୍ଷ 45 ହଜାର 568ଟଙ୍କା ମଜୁରି ପ୍ରଦାନ କର ଯାଇଛି L 100 ଦିନର କାମ 2953ଟି ପରିବାର 200 ଦିନର କାମ, 1703 ଟି ପରିବାର ଓ 300 ଦିନର କାମ 97 ଟି ପରିବାର କରିଛନ୍ତି L ଜଳ ବିଭାଜକା ପ୍ରକଳ୍ପ ତରଫରୁ 82 ଟି ପରିବାର ପାଇଁ 6272 ଶ୍ରମ ଦିବସ ସୃଷ୍ଟି କରା ଯାଇଛି। ମତ୍ସ୍ୟ ବିଭାଗ ତରଫରୁ ଗୋଟିଏ ପରିବାର କୁ ମାଛ ପୋଖରୀ ଖୋଳିବା ପାଇଁ 70,000 ଟଙ୍କା ସହାୟତା ଯୋଗାଇ ଦିଆ ଯାଇଛି।ମିଶନ ଶକ୍ତି ଓ ଜୀବିକା ମିଶନ ତରଫରୁ 651 ଶ୍ରମିକ ପରିବାର ମାନଙ୍କୁ 1 କୋଟି 41ଲକ୍ଷ ଟଙ୍କା ବ୍ୟାଙ୍କ୍ ସହାୟତା ଯୋଗାଇ ଦିଆଯାଇଛି L ହସ୍ତ ଶିଳ୍ପ ବିଭାଗ ତରଫରୁ 3 ଟି ପରିବାରକୁ ଭୁବନେଶ୍ୱର ତୋଷାଳୀ ମେଳାରେ ପ୍ରଦର୍ଶନ ସୁଯୋଗ ଦିଆଯାଇଛି L ଜିଲ୍ଲା ଶିଳ୍ପ କେନ୍ଦ୍ର ଦ୍ବାରା 7 ଟି ପରିବାରକୁ କାମ ଯୋଗାଇ ଦିଆଯାଇଛି L ଜିଲ୍ଲା ଶ୍ରମ ବିଭାଗ ତରଫରୁ ମନରେଗା ଯୋଜନାରେ କାମ କରିଥିବା 780 ଟି ଶ୍ରମିକ ପରିବାରଙ୍କୁ ଲେବର୍ କାର୍ଡ ପ୍ରଦାନ କରାଯାଇଛି ।ପ୍ରବାସୀ ଶ୍ରମିକ ମାନଙ୍କ ହାଇସ୍କୁଲ୍ ରେ ପଢୁଥିବା 1890 ଜଣ ଛାତ୍ରଛାତ୍ରୀ ମାନଙ୍କୁ 6 ମାସ ପାଇଁ ଭତ୍ତା ପ୍ରଦାନ କରାଯାଇଛି । ଜିଲ୍ଲା କର୍ମ ନିୟୋଜନ ବିଭାଗ ତରଫରୁ 3 ଜଣଙ୍କୁ ଉନ୍ନତ କୌଶଳ ରେ ଟ୍ରେନିଂ ସହାୟତା ଦିଆ ଯାଇଛି। ବିଭିନ୍ନ ତହସିଲଦାର ମାନେ ଘର ଡିହ ନଥିବା 14 ଟି ଶ୍ରମିକ ପରିବାରଙ୍କୁ 4 ଡିସିମିଲ କରି ଜମିପଟ୍ଟା ଯୋଗାଇ ଦେଇ ଛନ୍ତି Lନୂତନ ଉତ୍ସାହରେ ଆହୁରି ଅଧିକ ପ୍ରଚେଷ୍ଟା କରି ଜିଲ୍ଲାକୁ ସମ୍ପୂର୍ଣ୍ଣ ଦାଦନ ଶ୍ରମିକ ମୁକ୍ତ କରିବା ପାଇଁ ଜିଲ୍ଲାପାଳ ବିଭିନ୍ନ ପ୍ରଶାସନିକ ତଥା ଲାଇନ୍ ବିଭାଗର ଅଧିକାରୀ ମାନଙ୍କୁ ଆହ୍ବାନ ଦେଇଛନ୍ତି L ସେ କହିଲେ ଯେ ପରିବହନ ଅଧିକାରୀ ଯୁବ ଶ୍ରମିକ ମାନଙ୍କୁ ଡ୍ରାଇଭିଂ ଟ୍ରେନିଂ ଦେଇ ସେମାନଙ୍କୁ ଚାରି ଚକିଆ ଯାନ ଋଣ ପାଇଁ ସହାୟତା କରିବେ । ଜିଲ୍ଲାରୁ ଅନ୍ୟ ରାଜ୍ୟକୁ ପ୍ରବାସୀ ଶ୍ରମିକ ଚାଲାଣ କରୁଥିବା ବସ୍ ମାନଙ୍କ ଚଳାଚଳ ସମ୍ପୂର୍ଣ ବନ୍ଦ କରିବା ସହିତ ବେଆଇନ୍ ଶ୍ରମିକ ଦଲାଲ୍ ମାନଙ୍କୁ ଗିରଫ କରିବା ପାଇଁ ତହସିଲଦାର ମାନଙ୍କ ସହ ପଦକ୍ଷେପ ନେବେ।ଜିଲ୍ଲା ଶ୍ରମ ଅଧିକାରୀ ଦାଦନ ଯାଇଥିବା ଶ୍ରମିକ ମାନଙ୍କୁ ସେଇ ଜିଲ୍ଲାର ଜିଲ୍ଲାପାଳ ମାନଙ୍କ ସହାୟତାରେ ଫେରାଇ ଆଣିବା ପାଇଁ ପ୍ରଚେଷ୍ଟା କରିବେ । ଜିଲ୍ଲା ସମାଜ ମଙ୍ଗଳ ଅଧିକାରୀ ସେମାନଙ୍କ ଛୁଆ ମାନଙ୍କୁ ଅଙ୍ଗନବାଡି କେନ୍ଦ୍ରରେ ଦାଖଲ କରିବା ସହିତ ସେହି ପରିବାର ମହିଳା ମାନଙ୍କୁ ସୁଭଦ୍ରା ଯୋଜନାରେ ସାମିଲ କରିବା ପାଇଁ ପଦକ୍ଷେପ ନେବେ।ଏସ୍ ପି, ଜିଲ୍ଲା ଶିଶୁ ସୁରକ୍ଷା ସମିତି ଓ ଜିଲ୍ଲା ଶ୍ରମ ଅଧିକାରୀ ମିଳିତ ଭାବରେ ଅଚାନକ ବସ୍ ଷ୍ଟାଣ୍ଡ ଓ ରେଳ ଷ୍ଟେସନ୍ ଗସ୍ତ କରି ଦାଦନ ଚାଲାଣ ରୋକିବେ। ସମସ୍ତ ବିଡ଼ିଓ ପ୍ରତି ବୁଧବାର ଦିନ ରୋଜଗାର ଦିବସ ସୃଷ୍ଟି କରି ଗାଁ ଶ୍ରମିକ ମାନଙ୍କୁ ମନରେଗା ପ୍ରତି ଆକୃଷ୍ଟ କରିବେ ।ସୂଚନାଯୋଗ୍ୟ ଯେ ଜିଲ୍ଲାପାଳଙ୍କ ତତ୍ତ୍ୱାବଧାନରେ ପ୍ରଶାସନ ଚଳ ଚଞ୍ଚଳ ହୋଇ ଦାଦନ ପ୍ରଥାର ବିଲୋପ ପାଇଁ ରଣନୀତି ସ୍ଥିର କରିଛି L ତାଙ୍କ ଉଦ୍ୟମ କ୍ରମେ ଶ୍ରମ, ପଞ୍ଚାୟତିରାଜ , ରାଜସ୍ୱ,କୃଷି, ଉଦ୍ୟାନ କୃଷି, ପ୍ରାଣୀ ସମ୍ପଦ, ଯୋଗାଣ, ସମାଜ ମଙ୍ଗଳ, ଶିକ୍ଷା , ହସ୍ତ ଶିଳ୍ପ, ଜିଲ୍ଲା ଶିଳ୍ପ କେନ୍ଦ୍ର ଇତ୍ୟାଦି ବିଭିନ୍ନ ବିଭାଗର ସମୟୋଚିତ କାର୍ଯ୍ୟାନୁଷ୍ଠାନ ଯୋଗୁଁ ଜିଲ୍ଲାରୁ ହଜାର ହଜାର ପରିବାର ପ୍ରବାସୀ ଶ୍ରମିକ ହିସାବରେ ନଯାଇ ନିଜ ଅଞ୍ଚଳରେ ଶ୍ରମଦାନ ତଥା ବିଭିନ୍ନ ବ୍ୟବସାୟ କରି ପରିବାର ପ୍ରତି ପୋଷଣ କରି ପାରୁଛନ୍ତି । ଜିଲ୍ଲା ଶ୍ରମ ବିଭାଗ ତରଫରୁ ଆହୁତ ଆଜିର ଏହି ବୈଠକ ରେ ବନଖଣ୍ଡ ଅଧିକାରୀ ଅଜିଜ ଖାନ, ମହାଦେବ ବଡାଇକ, ଅତିରିକ୍ତ ଜିଲ୍ଲାପାଳ ଭୀମସେନ ଶବର, ସୁବାଷ ଚନ୍ଦ୍ର ରଇତ, ଉପ ଜିଲ୍ଲାପାଳ ଯୋଗେନ୍ଦ୍ର ମାଝୀ, ଅତିରିକ୍ତ ଏସ୍ ପି ରଣଜିତ୍ ନାୟକ,ଏପି ଡି ଯୋଗେଶ୍ଵର ଭୋଇ, ସମସ୍ତ ବିଡିଓ , ତହସିଲଦାର ଓ ଜିଲ୍ଲା ସ୍ତରୀୟ ଅଧିକାରୀ, ଲାଇନ୍ ବିଭାଗ ଅଧିକାରି ଯୋଗଦେଇଥିଲ L ଜିଲ୍ଲାରୁ ପ୍ରବାସୀ ଶ୍ରମିକ ପ୍ରଥାର ମୂଳୋତ୍ପାଟନ କରିବା ପାଇଁ ଜିଲ୍ଲାପାଳ ସମସ୍ତଙ୍କୁ ଆହ୍ବାନ ଦେଇ ସହଯୋଗ କାମନା 

କରିଥିଲେ ।

ନୂଆପଡ଼ାରୁ ବିଶ୍ୱନାଥ ସାମଲଙ୍କ ରିପୋର୍ଟ ଫାଷ୍ଟ ନ୍ୟୁଜ୍ ଓଡ଼ିଶା