ଗ୍ରାହକ ଭାବେ ମଦ ଦୋକାନରେ ପହଞ୍ଚିଲେ ଜିଲାପାଳ, ଭିଡିଓ ଭାଇରାଲ
ନୂଆଦିଲ୍ଲୀ : ବୁଧବାର ଦେହରାଦୁନର ଜିଲାପାଳ ସବିନ ବନ୍ସଲ ପୁରୁଣା ମସୁରୀ ରୋଡ୍ ସ୍ଥିତ ଏକ ମଦ ଦୋକାନ ଗସ୍ତ କରିଥିଲେ । ସେଠାରେ ପ୍ରତି ବୋତଲ ପିଛା ୨୦ ଟଙ୍କା ଅଧିକ ନିଆଯାଉଥିବା ଜାଣିବାକୁ ପାଇଲେ ଜିଲାପାଳ । ସେ ଗ୍ରାହକ ଭଳି ଯାଇ ମଦ ବୋତଲ ମଗାଇଥିଲେ । ଯାହାର ଦାମ୍ ୬୬୦ ଟଙ୍କା ଥିଲା କିନ୍ତୁ ଦୋକାନରେ ୬୮୦ ଟଙ୍କା ମଗାଗଲା । ଏହା ପରେ ସେ ନିଜ ପରିଚୟ ଦେଇ ୫୦ ହଜାର ଟଙ୍କା ଚାଲାଣ କାଟିଥିଲେ । ଏହି ସବୁର ଦୃଶ୍ୟ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି ।ଦୋକାନରେ ଏଭଳି ଦୃଶ୍ୟ ଦେଖି ସେଠାରେ ଥିବା ସମସ୍ତେ ଚକିତ ହୋଇଗଲେ । ଅଧିକ ଦାମ୍ ନେବା ସହିତ ଦୋକାନ ଖୋଲିବା ଏବଂ ବନ୍ଦ ହେବାର କୌଣସି ନିର୍ଦ୍ଧାରିତ ସୂଚନା ମଧ୍ୟ ନଥିଲା ଏବଂ କର୍ମଚାରୀଙ୍କ ପାଖରେ କୌଣସି ଆଇଡି କାର୍ଡ ମଧ୍ୟ ନଥିଲା । ତେବେ ଏହି ଦୋକାନ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ଜିଲାପାଳ ସୂଚନା ଦେଇଛନ୍ତି ।
What's Your Reaction?
Like
0
Dislike
0
Love
0
Funny
0
Angry
0
Sad
1
Wow
0
FIRST NEWS ODISHA
ଗରିବ ଅସହାୟ ଲୋକଙ୍କ ସେବାରେ
