।। ୩୦ରେ ରାଜ୍ୟର ସବୁ ସ୍କୁଲରେ ବସିବ ବୈଠକ,ସାମିଲ ହେବେ ଅଭିଭାବକ ।।

ଆସନ୍ତା ୩୦ ତାରିଖରେ ରାଜ୍ୟର ସମସ୍ତ ବିଦ୍ୟାଳୟରେ ଏକ ବୈଠକ ବସିବାକୁ ଯାଉଛି। ଯେଉଁଥିରେ ନବମରୁ ଦ୍ବାଦଶ ପିଲାଙ୍କ ଅଭିଭାବକ ସାମିଲ ହେବେ। ଛାତ୍ରଛାତ୍ରୀଙ୍କ ପାଠ ପଢା ସହ ବିଭିନ୍ନ ପ୍ରସଙ୍ଗ ନେଇ ଆଲୋଚନା ହେବା ସହ (APAAR) ID ନେଇ ଆଲୋଚନ ହେବ। ରାଜ୍ୟ ସରକାର ଅଭିଭାବକ ମାନଙ୍କଠାରୁ ସମ୍ମତି ପାଇବା ପରେ ଅଟୋମେଟେଡ୍ ସ୍ଥାୟୀ ଏକାଡେମିକ୍ ଆକାଉଣ୍ଟ୍ ରେଜିଷ୍ଟ୍ରି (APAAR) ID ପ୍ରସ୍ତୁତ କରିବେ। APAAR ID ନେଇ ସର୍ବସମ୍ମତି ମିଳିବା ପରେ ବିଦ୍ୟାଳୟର ପ୍ରଧାନଶିକ୍ଷକ ମାନେ ପିତାମାତାଙ୍କ ସମ୍ମତିପତ୍ର ସଂଗ୍ରହ କରି ଏହାକୁ ସରକାରଙ୍କ ନିକଟକୁ ପଠାଇବେ। ନୂତନ ଜାତୀୟ ଶିକ୍ଷା ନୀତି-୨୦୨୦ ସହିତ ସମାନ୍ତରାଳ ଭାବେ କେନ୍ଦ୍ର ଦ୍ୱାରା ଆରମ୍ଭ ହୋଇଥିବା 'ଏକ ଜାତି, ଏକ ଛାତ୍ର ID' କାର୍ଯ୍ୟକ୍ରମ (APAAR) ID ପ୍ରସ୍ତୁତ ହେବ। APAAR ID କ'ଣ? ଶିକ୍ଷା ମନ୍ତ୍ରଣାଳୟ ଅଧୀନରେ ଥିବା ବିଦ୍ୟାଳୟ ଶିକ୍ଷା ଏବଂ ସାକ୍ଷରତା ବିଭାଗର ସୂଚନା ଅନୁଯାୟୀ, ଏହି ବ୍ୟବସ୍ଥା ଛାତ୍ରଛାତ୍ରୀଙ୍କ ଶିକ୍ଷାଗତ କ୍ଷମତାକୁ ସକ୍ଷମ କରିଥାଏ। ଡ୍ରପଆଉଟ୍ ହାର ହ୍ରାସ କରିବାରେ ଏବଂ ସ୍କୁଲ ବାହାରେ ପିଲାମାନଙ୍କର ଟ୍ରାକିଂରେ ସାହାଯ୍ୟ କରିଥାଏ। ଏହି ବ୍ୟବସ୍ତା ଡିଜି ଲକର ସିଷ୍ଟମ ସହିତ ସିଧାସଳଖ ସଂଯୁକ୍ତ ଏବଂ ସେମାନଙ୍କ ପରୀକ୍ଷା ଫଳାଫଳ ଏବଂ ବହିର୍ଭୂତ କାର୍ଯ୍ୟ ସହିତ ଛାତ୍ରମାନଙ୍କ ଏକାଡେମିକ୍ କୃତିତ୍ୱର ଡିଜିଟାଲ୍ ଷ୍ଟୋରେଜ୍କୁ ସହଜ କରିବ। ଛାତ୍ରଛାତ୍ରୀ ମାନେ ନିଜର ସମସ୍ତ ମାର୍କସିଟ ତଥା ସାର୍ଟିଫିକେଟକୁ ଏଠାରେ ରଖିପାରିବେ।