।। ମା କୁଳବନ୍ଧ ଯାତ୍ରା ଅନୁଷ୍ଠିତ: ହଜାର ହଜାର ଶ୍ରଦ୍ଧାଳୁଙ୍କ ଭିଡ଼ ।।

ରାୟଗଡ଼ା ଜିଲ୍ଲା କୋଲନରା ବ୍ଲକ ଅନ୍ତର୍ଗତ ମୁକୁନ୍ଦପୁର ଗ୍ରାମ ପଞ୍ଚାୟତ ଅଧୀନ ହାତିଖମ୍ୱା ଗାଁ ନିକଟ ଜଙ୍ଗଲ ମଧ୍ୟରେ ଥିବା ମା କୁଳବନ୍ଧ ଯାତ୍ରା ଅନୁଷ୍ଠିତ ହୋଇଯାଇଛି | ଦୁଇ ବର୍ଷରେ ଥରେ ମାଘ ମାସର ଶେଷ ରବିବାର ଦିନ ପାଳିତ ହୋଇଥାଏ | ଯାତ୍ରା ସମୟରେ ବହୁ ଦୂର ଦୁରାନ୍ତରୁ ଯାତ୍ରା ଦେଖିବା ପାଇଁ ପ୍ରବଳ ଜନ ଗୋହଲି ହୋଇଥାଏ | ଏହି ଯାତ୍ରାର ମୁଖ୍ୟ ଆକର୍ଷଣ ପାରା ଉଡାଇବା ପରମ୍ପରା ରହିଛି| ମାଙ୍କ ମନ୍ଦିରରେ ପୂଜାର୍ଚ୍ଚନା କରିବା ପରେ ଅପରାହ୍ନ ଚାରିଟା ବେଳେ ମନ୍ଦିର ନିକଟରେ ଥିବା କୁଳବନ୍ଧ ପୋଖରୀ ଭିତରେ ପୂଜାର୍ଚ୍ଚନା କରିବା ପରେ ମାନସିକ ଧାରୀ ହଜାର ହଜାର ପାରା ଉଡାଇବା ଦୃଶ୍ୟ ଦେଖିବାକୁ ମିଳିଥିଲା | ପରମ୍ପରା ଅନୁସାରେ ଏଠାରେ ଛେଳି, କୁକୁଡ଼ା, ମେଣ୍ଡା ଆଦି ବଳି ଦିଆଯାଇ ଥାଏ | ନିସନ୍ତାନ ଦମ୍ପତି ମାନେ ମାଙ୍କ ନିକଟକୁ ଆସି ପୂଜାର୍ଚ୍ଚନା କରିବା ସହ ମାନସିକ କଲେ ମନସ୍କାମନା ପୂରଣ ହୋଇଥାଏ। ମାଙ୍କ ଯାତ୍ରାରେ ପାଖାପାଖି 15 ହଜାରରୁ ଉର୍ଦ୍ଧ୍ବ ଶ୍ରଦ୍ଧାଳୁଙ୍କ ସମାଗମ ହୋଇଥିଲା | ମା କୁଳବନ୍ଧ ଯାତ୍ରା ବେଳେ ଅପ୍ରୀତିକର ପରିସ୍ଥିତିକୁ ଏଡ଼ାଇବା ପାଇଁ ପ୍ରଶାସନ ସଜାଗ ରହିଥିଲେ | ମା କୁଳବନ୍ଧ ଠାରେ ବହୁ ପୁରାତନ ପଥର ମୂର୍ତ୍ତି ଗୁଡିକ ପୋତି ହୋଇ ରହିଥିବା ସୂଚନା ମିଳିଛି | ରାୟଗଡ଼ା ଜିଲ୍ଲା ସମେତ କୋରାପୁଟ, କଳାହାଣ୍ଡି ଓ ପଡୋଶୀ ଆନ୍ଧ୍ର ପ୍ରଦେଶ ଓ ଛତିଶଗଡ଼ ର ବହୁ ମାନସିକ ଧାରୀ ଆସି ମାଙ୍କ ମନ୍ଦିରରେ ପୂଜାର୍ଚ୍ଚନା କରିବା ଦେଖିବାକୁ ମିଳିଛି | ରାୟଗଡ଼ାରୁ byte- ମନ୍ଦିର କମିଟି ସଭାପତି ଅଜୟ ମାଣ୍ଡାଙ୍ଗି/ବ୍ଳକ ଉପାଧ୍ୟକ୍ଷ ହଳଧର ହିମିରିକା

 ମୁନିଗୁଡ଼ା ରୁ ସଞ୍ଜୟ କୁମାର ନାଗ ଙ୍କ ରିପୋର୍ଟ କୋରାପୁଟ ପ୍ରଥମ ଖବର