।। ବାରିପଦାରେ ଆରମ୍ଭ ହେଲା ରାଜ୍ୟସ୍ତରୀୟ ସବ-ଜୁନିଅର (୧୫ ବର୍ଷରୁ କମ) ଓ ଜୁନିଅର (୧୯ ବର୍ଷରୁ କମ) ବ୍ୟାଡମିଣ୍ଟନ୍ ଟୁର୍ଣ୍ଣାମେଣ୍ଟ ।।

ବାରିପଦା: ୧୯.୦୭.୨୦୨୪// ବାରିପଦା ସ୍ଥିତ ବିଜୁ ପଟନାୟକ ଇନ୍ଡୋର ଷ୍ଟାଡିଅମରେ ଜିଲ୍ଲା କ୍ରୀଡା ବିଭାଗ ଅନୁକୁଲ୍ୟରେ ରାଜ୍ୟସ୍ତରୀୟ ସବ-ଜୁନିଅର (୧୫ ବର୍ଷରୁ କମ) ଓ ଜୁନିଅର (୧୯ ବର୍ଷରୁ କମ) ବ୍ୟାଡମିଣ୍ଟନ୍ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି। ଏହି ଟୁର୍ଣ୍ଣାମେଣ୍ଟକୁ ଆନୁଷ୍ଠାନିକ ଭାବରେ ଜିଲ୍ଲାପାଳ ଶ୍ରୀ ଦତ୍ତାତ୍ରୟ ଭାଉସାହେବ ଶିନ୍ଦେ ଉଦ୍ଘାଟନ କରିଥିଲେ। ଓଡ଼ିଶା ରାଜ୍ୟ ବ୍ୟାଡମିଣ୍ଟନ ଆସୋସିଏସନର ପ୍ରତ୍ୟକ୍ଷ ସହଭାଗିତା ସହିତ ଏହି ଟୁର୍ଣ୍ଣାମେଣ୍ଟ ୧୯.୦୭.୨୦୨୪ ଠାରୁ ଆରମ୍ଭ ହୋଇ ଆଗାମୀ ୨୧.୦୭.୨୦୨୪ ପର୍ଯ୍ୟନ୍ତ ଚାଲିବ। ଏହି ତିନି ଦିନ ଧରି ହେବାକୁ ଥିବା ଟୁର୍ଣ୍ଣାମେଣ୍ଟରେ ସମୁଦାୟ ୧୨୬ ଜଣ ଖେଳାଳି ବିଭିନ୍ନ ବର୍ଗର ବ୍ୟାଡମିଣ୍ଟନ ପ୍ରତିଯୋଗିତାରେ ଅଂଶଗ୍ରହଣ କରିବେ। ଉଦ୍ଘାଟନୀ ସମାରୋହରେ ଯୋଗ ଦେଇ ଜିଲ୍ଲାପାଳ କହିଥିଲେ ଯେ ଓଡିଶା କ୍ରୀଡାରେ ସଫଳତା ପାଇବା କେବଳ ସମ୍ଭବପର ହୋଇପାରିଛି କ୍ରୀଡା ପ୍ରତି ଉତ୍ସର୍ଗୀକୃତ ଖେଳାଳୀ ମାନଙ୍କ ପାଇଁ ଏବଂ ବ୍ୟାଡମିଣ୍ଟନ ଏକ ଏପରି ଖେଳ ଯାହା ଉଭୟ ଶାରୀରିକ ଏବଂ ମାନସିକ ଭାରସାମ୍ୟକୁ ସୁଦୃଢ କରିଥାଏ। ସମସ୍ତ ଖେଳାଳି ମାନଙ୍କ ରହିବା ଏବଂ ସମସ୍ତ ସୁବିଧା ଦାୟିତ୍ୱ ଜିଲ୍ଲା ପ୍ରଶାସନ ନେଇଥିବା ବେଳେ ଜିଲ୍ଲାପାଳ ଶ୍ରୀ ଶିନ୍ଦେ ଏହି ଟୁର୍ଣ୍ଣାମେଣ୍ଟ ଆୟୋଜନର ସଫଳତା କାମନା କରିବା ସହିତ ସମସ୍ତ ଖେଳାଳିଙ୍କ ସହିତ ସାକ୍ଷାତ କରି ସେମାନଙ୍କ ସଫଳତା ପାଇଁ ଶୁଭେଚ୍ଛା ଜଣାଇଛନ୍ତି ଏହି ଟୁର୍ଣ୍ଣାମେଣ୍ଟରେ, ଜିଲ୍ଲା କ୍ରୀଡା ଅଧିକାରୀ ଶ୍ରୀ ଅବନୀ ମୋହନ ମହାନ୍ତି, ଓଡ଼ିଶା ରାଜ୍ୟ ବ୍ୟାଡମିଣ୍ଟନ ଆସୋସିଏସନର ଯୁଗ୍ମ ସଚିବ ଶ୍ରୀ ଶୈଳେନ୍ଦ୍ର ଚୌଧୁରୀ, ମନୋରଂଜନ ପଣ୍ଡା, ବାଲେଶ୍ୱର ଜିଲ୍ଲା ବ୍ୟାଡମିଣ୍ଟନ ଆସୋସିଏସନର ସଚିବ, ସମୀର ଦାସ, ଭଦ୍ରକ ଜିଲ୍ଲା ବ୍ୟାଡମିଣ୍ଟନ ଆସୋସିଏସନର ସଚିବ, ଦୀପକ ମହାନ୍ତି, କନ୍ଧମାଳ ଜିଲ୍ଲା ବ୍ୟାଡମିଣ୍ଟନ ଆସୋସିଏସନ | ରିତା ଦାସ, ମୁଖ୍ୟ ରେଫରି, ଓଡିଶା ରାଜ୍ୟ ବ୍ୟାଡମିଣ୍ଟନ୍ ଆସୋସିଏସନ ଯୋଗ ଦେଇଥିବା ବେଳେ , ରବୀନ୍ଦ୍ର ବେହେରା, ଅଜୟ ମୋଦୀ, ସୋମେନ କାନ୍ତି ମହାନ୍ତି, ସନ୍ତୋଷ ବିଶୋଇ ଓ ରୁପମ ସ୍ୱାଇଁ ଏହି ଟୁର୍ଣ୍ଣାମେଣ୍ଟକୁ ସଫଳତାର ସହିତ ସମ୍ପାଦନା କରୁଛନ୍ତି।

ମୟୂରଭଞ୍ଜ, ବାରିପଦାରୁ -ଗୌର ଦାସଗିରିଙ୍କ ରିପୋର୍ଟ ଫାଷ୍ଟ ନ୍ୟୁଜ ଓଡ଼ିଶା