।। ନୁଆପଡା ଜିଲ୍ଲାପାଳଙ୍କ ସଦଭାବନା ଗୃହରେ ଓଡ଼ିଶା ବିପର୍ଯ୍ୟୟ ପ୍ରସ୍ତୁତି ଦିବସ ପାଳିତ ।।

ନୂଆପଡା : “ଶସକ୍ତ ଗୋଷ୍ଠୀ ସୁରକ୍ଷିତ ଓଡିଶା” ଓ ବିପର୍ଯ୍ୟୟ ପ୍ରସ୍ତୁତି ଓ ଯୋଜନା କୁ ମଜବୁତ କରାଇବା ଉପରେ ଆଲୋଚନା ନୁଆପଡା ଜିଲ୍ଲାପାଳଙ୍କ ସଦଭାବନା ଗୃହରେ ଅନୁଷ୍ଠିତ ହୋଇଯାଇଅଛି। ଏହି ପରିପ୍ରେକ୍ଷୀରେ ଏକ ଶୋଭାଯାତ୍ରା ଜିଲ୍ଲାପାଳଙ୍କ କାର୍ଯ୍ୟ।ଳୟ ପରିଶରରୁ ଆରମ୍ଭ ହୋଇ ଏକତା ଛକ ନୁଆପଡା ଓ ଏକତା ଛକ ଠାରୁ ଜିଲ୍ଲାପାଳଙ୍କ କାର୍ଯ୍ୟ।ଳୟ ପରିସର ପର୍ଯ୍ୟନ୍ତ ବିପର୍ଯ୍ୟୟ ପରିଚାଳନା ପାଇଁ ଭିନ୍ନ ଭିନ୍ନ ସ୍ଲୋଗାନରେ ଗୁଞ୍ଜାରିତ ହୋଇଥିଲା । ଉକ୍ତ ଅବସରରେ ଅତିରିକ୍ତ ଜିଲ୍ଲାପାଳ ଶ୍ରୀ ଭୀମଶେନ ଶବର ଙ୍କ ଅଧ୍ୟକ୍ଷତାରେ ବରିଷ୍ଠ ଅଧିକାରୀଗଣ ଏହି ଆଧାରିତ ବିଷୟବସ୍ତୁ ଉପରେ ନିଜର ସମ୍ଭାଷଣ ରଖିଥିଲେ ଓ ସଭାରେ ଅନ୍ୟ ବକ୍ତା ଓ ଶ୍ରୋତାଙ୍କୁ ଉତ୍ସାହିତ କରାଇଥିଲେ । ନିମ୍ନରେ ପ୍ରଦତ୍ତ ବିଷୟବସ୍ତୁ ଉପରେ ସେ ଆଲୋକପାତ କରିଥିଲେ । ପ୍ରତିବର୍ଷ ପରି ଚଳିତ ବର୍ଷ ନୁଆପଡା ଜିଲ୍ଲାରେ ଓଡ଼ିଶାରାଜ୍ୟ ବିପର୍ଯ୍ୟୟପ୍ରସ୍ତୁତି ଦିବସ ପାଳନ କରାଯାଇଅଛି । ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ଏହି ବିପର୍ଯ୍ୟୟ ପ୍ରସ୍ତୁତି ଦିବସ ଜିଲ୍ଲା ସ୍ତରୀୟ, ସମସ୍ତ ପଞ୍ଚାୟତ ସମିତି ଓ ସଦର ମହକୁମା, ପୌର ପରିଷଡ ଓ ବିଜ୍ଞାପିତ ଅଞ୍ଚଳ ରେ ପାଳନ କରାଯାଇଅଛି । ଜିଲ୍ଲା ସ୍ତରୀୟ ବିପର୍ଯ୍ୟୟ ପ୍ରସ୍ତୁତି ଦିବସ ପାଳନ ଅବସରରେ ଜିଲ୍ଲାରେ ବିଭିନ୍ନ ସଚେତନତା କାର୍ଯ୍ୟକ୍ରମ ହୋଇଯାଇଛି । ଜିଲ୍ଲା ସ୍ତରୀୟ କାର୍ଯ୍ୟକ୍ରମ ଜିଲ୍ଲା ପରିଷଦ ନୁଆପଡା ସଦଭାବନା ସଭାଗୃହ ରେ ଅନୁଷ୍ଠିତ ହୋଇଯାଇଛି । ଏହି ଜିଲ୍ଲା ସ୍ତରୀୟ କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ଅଧ୍ୟକ୍ଷତାରେ, ଜିଲ୍ଲା ଆପଦ କାଳୀନ ଅଧିକାରୀ, ଜିଲ୍ଲା ସଂସ୍କୃତି ଅଧିକାରୀ, ଜିଲ୍ଲା ମୁଖ୍ୟ ଶିଶୁ ମଙ୍ଗଳ ଅଧିକାରୀ, ଜିଲ୍ଲା ପ୍ରକଲ୍ପ ଅଧିକାରୀ ଜରୁରି କାଳିନ ଓ ଜିଲ୍ଲାର ଅଗ୍ନି ସମ ଅଧିକାରି ଓ ଅନ୍ୟାନ୍ୟ ଅଧିକାରୀ ମାନେ ଅଂଶଗ୍ରହଣ କରିଥିଲେ । ଓଡ଼ିଶା ରାଜ୍ୟ ବିପର୍ଯ୍ୟୟ ପ୍ରସ୍ତୁତି ଦିବସ ପାଳନ ଉପଲକ୍ଷେ ବିଭିନ୍ନ କାର୍ଯ୍ୟକ୍ରମ ନୁଆପଡା ଜିଲ୍ଲା ତରଫରୁ ଜିଲ୍ଲା ସ୍ତରୀୟ ଚିତ୍ରାଙ୍କନ ଓ ଅଭିଭାଷଣ ପ୍ରତିଯୋଗିତା ସ୍କୁଲ ସ୍ତରରେ ଛାତ୍ର ଓ ଅଭିଭାବକ ମାନଙ୍କ ମଧ୍ୟରେ ସଚେତନତା ବାର୍ତା ପ୍ରସାରଣ ଓ ଚିନ୍ତନ କରାଯାଇଥିଲା । ଚିତ୍ରାଙ୍କନ ଓ ଅଭିଭାଷଣ ପ୍ରତିଯୋଗିତା “ଶସକ୍ତ ଗୋଷ୍ଠୀ ସୁରକ୍ଷିତ ଓଡିଶା” ଉପରେ ଆଧାରିତ ଥିଲା । ଏଥିରେ ଛାତ୍ର ଛାତ୍ରୀ ମାନେ ବିଭିନ୍ନ ବିଦ୍ୟାଳୟ ରୁ ଅଂଶଗ୍ରହଣ କରି ଆଧାରିତ ବିଷୟବସ୍ତୁ ଉପରେ ଚିତ୍ରଣ ଓ ଅଭିଭାଷଣ ଦେଇ ଗୋଷ୍ଠୀକୁ ଜାଗ୍ରତ କରିବାକୁ ଚେଷ୍ଟା କରିଥିଲେ। ଏହି ବିଦ୍ୟାଳୟ ସ୍ତରୀୟ ପ୍ରତିଯୋଗିତା ନ୍ଯାଶନ୍ଯାଲ ଉଚ୍ଚ ପ୍ରାଥମିକ ବିଦ୍ୟାଳୟ ରେ ଅନୁଷ୍ଠିତ ହୋଇଥିଲା । ସଚେତନତା ବାର୍ତା ପ୍ରସାରଣ ବିଷୟରେ ସର୍ବସାଧାରଣଙ୍କୁ ସଚେତନ କରାଇବା ଉଦ୍ଦେଶ୍ୟରେ ଏକ ସଚେତନତା ଶୋଭାଯାତ୍ରା ଜିଲ୍ଲାସ୍ତରରେ, ବ୍ଲକସ୍ତରରେ ଓ ସରହରାଞ୍ଚଳରେ ଆୟୋଜିତ ହୋଇଯାଇ କରାଯାଇଥିଲା । ଜିଲ୍ଲା ସ୍ତରରେ ବିଦ୍ୟାଳୟର ଛlତ୍ର ଛlତ୍ରୀ ଓ ସ୍ଵେଚ୍ଛାସେବୀମାନେ ଏହି ସଚେତନତା ଶୋଭାଯାତ୍ରା ରେ ମୁଖ୍ୟ ଅଂଶ ଗ୍ରହଣ କରିଥିଲେ । ଏହି ସଚେତନତା ଶୋଭାଯାତ୍ରା ପରେ ପରେଜିଲ୍ଲା ଅଗ୍ନିସମ କର୍ମକର୍ତାମାନେ ଜିଲ୍ଲାପାଳଙ୍କ କାର୍ଯ୍ୟ।ଳୟ ପରିସରରେ ନିଜ ନିଜର ସାମର୍ଥ୍ୟ ଓ କୌଶଳ ଅବଲମ୍ବନ କରି କେମିତି ଜନ ଜୀବନ ଉଦ୍ଧାର କରାଯାଇପାରିବ ସେବିଷୟେ ମାଲକାନଗିରି ଅଗ୍ନିଶମ ବାହିନୀଙ୍କ ସହିତ ମିଶି ପ୍ରଦର୍ଶନ କରିଥିଲେ।

ନୂଆପଡ଼ାରୁ ବିଶ୍ଵନାଥ ସାମଲଙ୍କ ରିପୋର୍ଟ କୋରାପୁଟ ପ୍ରଥମ ଖବର