।। ବନ୍ୟା ପରିସ୍ଥିତି ନେଇ ମୟୂରଭଞ୍ଜ ଜିଲ୍ଲା ପ୍ରଶାସନର ତତ୍ପରତା: ଜିରୋ କାଜୁଆଲିଟିକୁ ଜିଲ୍ଲାପାଳଙ୍କ ଗୁରୁତ୍ୱ ।।

ଜିଲ୍ଲାପାଳଙ୍କ ପ୍ରତ୍ୟକ୍ଷ ତତ୍ୱାବଧାନରେ ଚାଲିଛି ସମସ୍ତ ଜରୁରୀକାଳୀନ କାର୍ଯ୍ୟ ବାରିପଦା: ୧୭.୦୯.୨୦୨୪// ମୟୂରଭଞ୍ଜରେ ଲଗାଣ ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଥିବା ବେଳେ, ଜିଲ୍ଲା ପ୍ରଶାସନ ଦୃଢତାର ସହ ମୁକାବିଲା କରିବାରେ ସମର୍ଥ ହୋଇଛି। ବୁଢ଼ାବଳଙ୍ଗ ଏବଂ ସୁବର୍ଣ୍ଣରେଖା ନଦୀ ଗୁଡିକର ଅବବାହିକାରେ ଅବସ୍ଥିତ ଗ୍ରାମ ଗୁଡିକ ବନ୍ୟା ଦ୍ୱାରା ପ୍ରଭାବିତ ହେବାର ପରିସ୍ଥିତି ଥିବା ବଳେ ପ୍ରଶାସନ ଏଠି ପାଇଁ ପୂର୍ବରୁ ସଚେତନ ହୋଇ ଜନସାଧାରଣଙ୍କୁ ଉପଯୁକ୍ତ ସୁରକ୍ଷିତ ସ୍ଥାନକୁ ସ୍ଥାନାନ୍ତରୀକରଣ କରିବା ବ୍ୟବସ୍ଥା କରିଛି। ଜିଲ୍ଲାପାଳ, ଅତିରିକ୍ତ ଜିଲ୍ଲାପାଳ ଏବଂ ସମସ୍ତ ଜରୁରୀକାଳୀନ ଅଧିକାରୀ ମାନଙ୍କ ପ୍ରତ୍ୟକ୍ଷ ତତ୍ୱାବଧାନରେ ରାସଗୋବିନ୍ଦପୁର ବ୍ଲକର ଗୋଡିଘାଟି ଓ ଟୀକାୟତପୁର, ଏବଂ ସାରସକଣା ବ୍ଲକର ଶୀର୍ଷା ଗ୍ରାମପଂଚାୟତର ନେଦା ଅଂଚଳରେ, ବନ୍ୟା ପ୍ରଭାବିତ ଗ୍ରାମବାସୀଙ୍କ ପାଇଁ ଜିଲ୍ଲା ପ୍ରଶାସନ ପକ୍ଷରୁ ବିହିତ କାର୍ଯ୍ୟାନୁଷ୍ଠାନ ନିଆଯାଇଛି । ସମ୍ଭାବ୍ୟ ବନ୍ୟା ଘେରରେ ଥିବା ସମସ୍ତ ଜନସାଧାରଣଙ୍କୁ ନିରାପଦ ସ୍ଥାନକୁ ସ୍ଥାନାନ୍ତରୀକରଣ କରିବା ସହିତ ସେମାନଙ୍କ ପାଇଁ ଗରମ ରନ୍ଧା ଖାଦ୍ୟ, ଉତ୍ତମ ପାନୀୟ, ଔଷଧ ସମେତ ସମସ୍ତ ଆବଶ୍ୟକୀୟ ବ୍ୟବସ୍ଥା ଜିଲ୍ଲା ପ୍ରଶାସନ ପକ୍ଷରୁ କରା ଯାଇଛି। ସୂଚନା ମୁତାବକ, ଏଯାବତ ୧୨୦ ରୁ ଉର୍ଦ୍ଧ୍ୱ ଲୋକମାନଙ୍କୁ ସୁରକ୍ଷିତ ସ୍ଥାନକୁ ଓଡ୍ରାଫ ଟିମ, ଜରୁରୀକାଳୀନ କର୍ମକାର୍ତ୍ତା ଓ ଅଗ୍ନିଶମ ବିଭାଗ କର୍ମକାର୍ତ୍ତାଙ୍କ ଦ୍ୱାରା ସ୍ଥାନାନ୍ତରୀକରଣ କରା ଯାଇଥିବା ବେଳେ, ପ୍ରତ୍ୟେକ ସମ୍ବେଦନଶିଳ ଅଂଚଳରେ ସ୍ୱାସ୍ଥ୍ୟ ସେବା, ଅଗ୍ନିଶମ ସେବା, ପଶୁ ଚିକିତ୍ସା ଅଧିକାରୀ ଉପସ୍ଥିତ ରହି କାର୍ଯ୍ୟ ସମ୍ପାଦନ କରୁଥିବାର ସୂଚନା ପ୍ରାପ୍ତା ।

 ବାରିପଦାରୁ ଗୌର ଦାସଗିରି